Արևմուտքի՝ ՀՀ և ՌԴ հարաբերությունները փլուզելու ջանքերը իզուր են․ Ալեքսանդր Բաշկին

Հայաստանի ղեկավարության գործողություններն ու խոսքերը հայ ժողովրդի
և ռուս ժողովրդի հարաբերությունների էության արտահայտումը չեն. այս մասին ՌԻԱ Նովոստիին
ասել է ռուս սենատոր  Ալեքսանդր Բաշկինը։

«Հայաստանի ղեկավարության գործողություններն ու խոսքերը հայ ժողովրդի
և ռուս ժողովրդի հարաբերությունների էության արտահայտումը չեն։ Դա չի արտացոլում Հայաստանի
և Ռուսաստանի միջև հարաբերությունների իրական և ավանդաբար ձևավորված մակարդակը, ուստի
պետք է տարանջատել այն, ինչ հայտարարում են առանձին քաղաքական գործիչներ, թեկուզև շատ
բարձր մակարդակի, և այն, ինչ մտածում են հասարակ քաղաքացիները», – ասել է Բաշկինը։

Բաշկինի գնահատմամբ և՛ ռուս, և՛ հայ ժողովուրդը գնահատում և փայփայում
է  երկու  պետությունների միջև հարաբերությունները և թույլ չի տա, որ դրանք
փլուզվեն, որքան էլ դա ցանկանում են Արևմուտքում։

«Այդ հայտարարություններից մի քանիսը երկու պետությունների միջև
հարաբերությունները բարդացնելու փորձ են: Սակայն,  դրանից ոչինչ չի ստացվի»,-
ասել է նա։