Ուկրաինան վճռական է շարունակել գործակցությունը ԱՄՆ-ի հետ
Ուկրաինային ռազմական օգնությունը դադարեցնելու ԱՄՆ որոշումից հետո Ուկրաինայի վարչապետ Դենիս Շմիհալը հայտարարել է, որ իր երկիրը «վճռական է շարունակել համագործակցությունը» Վաշինգտոնի հետ․ գրում է BBC-ն։
Շմիհալն ասել է, որ Կիևը «պատրաստ է ստորագրել» համաձայնագիր, որը ԱՄՆ-ին կտա հասանելիություն Ուկրաինայի հազվագյուտ հանքանյութերին: Ավելի վաղ ԱՄՆ փոխնախագահ Ջեյ Դի Վենսը հայտարարել էր, որ Ուկրաինան կարող է վերադառնալ բանակցությունների սեղանի շուրջ, եթե Զելենսկին «պատրաստ լինի լրջորեն խոսել խաղաղության մասին»։
