Ռուսներին հասնում է, քանի որ կապիտուլյացիայից հետո Նիկոլը մնաց իշխանության ՌԴ աջակցության արդյունքում․ Շարմազանով

Արցախն ուրացողը դաշնակից ՌԴ-ին օրը
10 անգամ կուրանա, գրել է ՀՀԿ Գործադիր մարմնի անդամ Էդուարդ Շարմազանովը։

«Երբ 2018-ին Արմեն Աշոտյանն ու ես մեղադրում էինք Փաշինյանին հայ-ռուսական դաշնակցային
հարաբերություններին վտանգ հասցնելու մեջ, նույն Փաշինյանը 2018-ի օգոստոսի 17-ի հանրահավաքի
ժամանակ հավաստիացնում էր, որ իր կառավարման ժամանակ հայ-ռուսական դաշնակցային հարաբերություներն
ամրանալու են ու աննախադեպ զարգացում են թևակոխելու։

Բայց այսօր, պատմության մեջ առաջին
անգամ, ՌԴ-ում ՀՀ դեսպան Վաղարշակ Հարությունյանը կանչվել է ՌԴ ԱԳՆ․ նրան բողոքի նոտա
է ուղղվել։

Նիկոլի խոստումները գրոշ չարժեն։ Իսկ
ռուսներն ասում էին՝ он-не предатель։

Արցախ դավաճանողը դաշնակից ՌԴ-ին օրը
10 անգամ էլ կուրանա։

 Երևի ռուսներին հասնում է, քանի որ
նոյեմբերի 9-ի կապիտուլյացիայից հետո Նիկոլը մնաց իշխանության բացառապես ՌԴ աջակցության
արդյունքում։

Այնքան էր կորած Նիկոլը, որ կարկառուն
նիկոլականները հրապարակային ասում էին, որ Պուտինն է ասել ՝ Փաշինյանը դավաճան չէ։

Օձը տաքացնողին է կծում, պարոնա՛յք», – գրել է Շարմազանովը։