03 Ապր
2025
21.3° c ԵՐԵՎԱՆ
19.6° c ՍՏԵՓԱՆԱԿԵՐՏ
ABCMEDIA
Մարին Լե Պենը՝ խաղից դուրս. Ֆրանսիայի նախագահի պաշտոնի հիմնական հավակնորդին դատում են

Մարին Լե Պենը՝ խաղից դուրս. Ֆրանսիայի նախագահի պաշտոնի հիմնական հավակնորդին դատում են

Ֆրանսիայում մթնոլորտ շիկացած է: 2027 թվականի նախագահական մրցապայքարին ամենայն հավանականությամբ չի մասնակցի հարցումներով առաջատար, ծայրահեղ աջակողմյան «Ազգային միավորում» կուսակցության առաջնորդ Մարին Լը Պենը: Ֆրանսիայում խորհրդարանական ընտրությունների առաջին փուլում հաղթեցին աջերը:
Ինչ է կատարվում սիրո քաղաքում:

Փարիզի դատարանը ծայրահեղ աջակողմյան «Ազգային միավորում» կուսակցության առաջնորդ Մարին Լը Պենին մեղավոր է ճանաչել Եվրախորհրդարանի միջոցները վատնելու համար: Եթե ավելի մանրամասն, ապա հետաքննության վարկածով՝ 2004-2016թթ․ նրանք մոտ 3 միլիոն եվրո են դուրս գրել Եվրախորհրդարանի հիմնադրամներից՝ կեղծ օգնականներ վարձելու միջոցով, իսկ գումարն օգտագործել են երկրում իրենց քաղաքական նպատակներին հասնելու համար:

Բայց սա դեռ ամենը չէ: Լը Պենից բացի մեղադրանք է առաջադրվել նաև 8 կուսակից պատգամավորների։
Եվս 12 պատգամավոր մեղավոր է ճանաչվել «տեղեկատվությունը թաքցնելու» համար։ Դատարանի տվյալներով՝ ԵԽ-ին հասցված վնասի չափը 2,9 մլն եվրո է։

Ընդհանուր առմամբ, գործով անցնում է «Ազգային միավորման» 24 անդամ, այդ թվում՝ Լը Պենը։ Նրանք բոլորը հերքել են իրենց առաջադրված մեղադրանքները։ Այս մեղադրանքի համար առավելագույն պատիժը մինչև տասը տարվա ազատազրկումն է։

Ռազմագերիներ