Իսրայելի կառավարությունը հաստատել է Գազայի հատվածի օկուպացիան թույլատրող ծրագիրը․ Ynet

Իսրայելի ռազմաքաղաքական կաբինետը գիշերը հաստատել է Գազայի հատվածում ռազմական գործողությունների ընդլայնման ծրագրերը, որոնք ներառում են պաղեստինյան անկլավը գրավելու հնարավորությունը․ այս մասին հաղորդել է Ynet պորտալը՝ հղում անելով քաղաքական համակարգի աղբյուրին։

Աղբյուրը նշել է, որ ծրագիրը, ի թիվս այլ բաների, կներառի Գազայի հատվածի օկուպացիան և տարածքը պահելը, անկլավի բնակչությանը հարավ տեղափոխելը նրանց պաշտպանելու համար, արմատական ՀԱՄԱՍ շարժմանը զրկելը մարդասիրական օգնություն բաշխելու հնարավորությունից և արմատականների վրա հզոր հարձակումներ իրականացնելը։