Ֆրանսիան Իրանին ցուցումներ տալու բարոյական հեղինակություն չունի․ Արաղչի
Իրանի արտգործնախարար Աբբաս Արաղչին X-ում կատարած գրառմամբ պատասխանել է իր ֆրանսիացի գործընկեր Ժան Նոել Բարոյին, որը «բռնապետական» էր անվանել Իրանի իշխանություններին։
«Բազմաթիվ խախտումներ են եղել, որոնք ծիծաղի առարկա են դարձրել Ֆրանսիայի «մարդու իրավունքների պաշտպանության» գործունեությունը: Բայց գուցե ոչինչ այդքան բացահայտ չի դարձրել կեղծավորությունը, որքան Ֆրանսիայի մոտեցումը Իսրայելյան ռեժիմի և նրա պատերազմական հանցագործությունների հանդեպ: Խնայեք մեզ՝ իրանցիներին, քարոզներից: Դուք ոչ մի բարոյական հեղինակություն չունեք», – գրել է Արաղչին:
