ԱԺ «Պատիվ ունեմ» խմբակցության
պատգամավոր Տիգրան Աբրահամյանն անդրադարձել է Արցախի պետնախարար Գուրգեն Ներսիսյանի
հայտարարությանն այն մասին, ըստ որի Արցախի առջև եղած մարտահրավերները կարող են դառնալ
անհաղթահարելի, եթե Հայաստանը չցուցաբերի անհրաժեշտ քաղաքական, ռազմաքաղաքական, իրավակաքաղաքական,
տնտեսական, սոցիալական, անգամ հոգեբանական աջակցություն:
«Արցախի պետնախարարը լայվի միջոցով անդրադարձել է Արցախում ստեղծված ծանր իրավիճակին
և այդ համատեքստում ընդգծել, որ Արցախի համար խնդիրներն էլ ավելի են բարդանալու, մարտահրավերները
կարող են դառնալ նույնիսկ անհաղթահարելի կամ դժվար հաղթահարելի, եթե ՀՀ-ն չցուցաբերի
անհրաժեշտ քաղաքական, ռազմաքաղաքական, իրավակաքաղաքական, տնտեսական, սոցիալական, անգամ
հոգեբանական աջակցություն:
Առաջին հայացքից ակնհայտ
ճշմարտություն է ասվում, որի մասին շատերս խոսում ենք, սակայն կարևոր է, որ սա հնչում
է Արցախից ու հիմնական պատասխանատուներից մեկի կողմից:
Հայաստանի իշխանությունն
Արցախի հարցում ստեղծված աղետալի վիճակի համար մեղավոր է ոչ միայն նրա համար, որ իր
քաղաքական կուրսն է բերել և նման ծանր հանգրվանի հասցրել, այլ նրա, որ այդքանից հետո
շարունակում է պնդել իր կործանարար դիրքորոշումը:
Արցախի ներքին ռեսուրսներն
անսպառ չեն, և եթե ՀՀ իշխանությունը սոցիալական բնույթի սահմանափակ օժանդակությունից
բացի, քաղաքական, անվտանգային հարցերում ներգրավվածություն չապահովի, ապա իրադրությունը
շատ արագ քաոսի կվերածվի:
Սա ՀՀ իշխանությունը
լավ հասկանում է, բայց անում է ճիշտ հակառակը»,- գրել է Տիգրան Աբրահամյանը: