Պուտինը խոհեմ մարդ է, չեմ կարող պատկերացնել, որ դա Պուտինն է արել․ Լուկաշենկոն՝ Պրիգոժինի ինքնաթիռի կործանման մասին
Բելառուսի նախագահ Ալեքսանդր Լուկաշենկոն, անդրադառնալով Եվգենի Պրիգոժինի ինքնաթիռի
կործանմանը, հայտարարել է, որ չի կարող ասել, թե ով է դա արել, բայց չի կարող պատկերացնել,
որ դա Ռուսաստանի նախագահ Վլադիմիր Պուտինի ձեռքի գործն է։
«Չեմ կարող ասել, թե ով է դա արել: Ես նույնիսկ մեծ եղբորս փաստաբանը չեմ դառնա: Բայց
ես ճանաչում եմ Պուտինին: Նա խոհեմ, շատ հանգիստ և նույնիսկ դանդաղկոտ մարդ է, երբ
որոշումներ է կայացնում այլ, ոչ այնքան բարդ հարցերի շուրջ: Չեմ կարող պատկերացնել,
որ Պուտինն է դա արել, որ Պուտինն է մեղավոր։ Չափազանց կոպիտ, ոչ պրոֆեսիոնալ աշխատանք
է»,- Լուկաշենկոյի խոսքերն է մեջբերում Sputnik Բելառուսը։
Լուկաշենկոն նշել է, որ շատերն այժմ փորձում են աղետի պատասխանատվությունը «կախել»
Պուտինի վրա, սակայն Ռուսաստանի ղեկավարը «բացարձակապես կապ չունի դրա հետ»։
