Նշվում է, որ քանի դեռ չի վերականգնվել Լաչինի միջանցքի լիարժեք
գործունեությունը, հակամարտության քաղաքական կարգավորման արդյունավետ քննարկում հնարավոր
չէ․
ասված է ՄԱԿ-ի Անվտանգության խորհրդի նիստին ընդառաջ «Հայաստան» դաշինքի տարածած հաղորդագրության
մեջ։
«Միջազգային հանրությունը պետք է ճանաչի և դատապարտի այն փաստը,
որ Ադրբեջանը լիովին անտեսում է միջազգային դատական ատյանների որոշումները և գտնի
արդյունավետ մեխանիզմներ՝ ստիպելու Ադրբեջանին կատարել դրանք»,-ասված է հայտարարության
մեջ։
«Հայաստան» դաշինքն ընդգծել է՝ Հայաստանի համար պետք է կարմիր գիծ
հանդիսանան Արցախի հայերի՝ որպես Ադրբեջանի կազմում բնակվող էթնիկ փոքրամասնության
արձանագրումը և նույնիսկ Լաչինի միջանցքի բացման դիմաց Արցախի ժողովրդի ինքնորոշման
իրավունքի որևէ սահմանափակում։
«Ադրբեջանի գործողությունները օրինական իրավունք են տալիս հայկական
կողմին ետ կանգնել առայսօր իրենց կողմից արված ոչ հայանպաստ և Արցախի ինքնորոշման իրավունքը
սահմանափակող հայտարարություններից, փոխել այսօրվա բանակցությունների վտանգավոր նարատիվը
և կենտրոնանալ Լեռնային Ղարաբաղի հայ ժողովրդի հիմնարար իրավունքների իրացման և անվտանգության
ապահովման վրա»,-ասված է Դաշինքի տարածած հաղորդագրության տեքստում։