Իրանի Հոգևորականության հարցերով հատուկ դատախազությունը
մի շարք գործեր է հարուցել նախկին նախագահ Հասան Ռոհանիի դեմ՝ ֆինանսական շուկաներում
նրա խարդախությունների պատճառով, նա պետք է դատարանի առջև մի շարք հարցերի
պատասխանի, ասել է Իրանի դատական իշխանության ներկայացուցիչ Մասուդ Սեթայեշին, որի խոսքերը մեջբերում է
Tasnim գործակալությունը։
«Իրանի նախկին նախագահ Ռոհանիի դեմ, ով ունի հոգևորականի կոչում և աստիճան, մի քանի
գործ է հարուցվել Հոգևորականության հարցերով հատուկ դատախազությունում, որը պահպանում
է համապատասխան իրավասությունը, ինչպես նաև իր ենթակայության տակ է համապատասխան մարմինը,
որում նախկին նախագահը պետք է պատասխանի մի շարք հարցերի»,- ասել է Սեթայեշին։
Նա նաև նշել է, որ գործը հարուցվել է Ռոհանիի արժութային խարդախությունների, ինչպես
նաև Իրանի ֆոնդային բորսայում իր միջամտության պատճառով։
