Վրաստանի խորհրդարանի աշնանային նստաշրջանը կմեկնարկի սեպտեմբերի 2-ին
Վրաստանի խորհրդարանը կվերսկսի աշխատանքը սեպտեմբերի 2-ին. հայտնում է Sputnik Վրաստանը:
Նախատեսվում է, որ առաջին նստաշրջանում տեղի կունենա Պետական անվտանգության ծառայության ղեկավար Անրի Օխանաշվիլիի հրաժարականի ընդունումը. նրա փոխարեն՝ այդ պաշտոնին կնշանակվի իշխող կուսակցության գործադիր քարտուղար, խորհրդարանական մեծամասնության առաջնորդ Մամուկա Մդինարաձեն:
Քննարկման առանցքային թեմաներից մեկը կլինի Միխայիլ Սաակաշվիլիի պաշտոնավարման ընթացքում իշխող ուժի պաշտոնյաների կողմից կատարված հանցագործությունները քննող ժամանակավոր հանձնաժողովի եզրակացությունը:
Աշնանային նստաշրջանի ընթացքում պատգամավորները նաև պետք է ընդունեն մի շարք կարևոր օրենքներ, այդ թվում՝ 2026 թվականի պետական բյուջեն. որպես կանոն բյուջեի վերջնական տարբերակն ընդունվում է դեկտեմբերին։
