ԵՄ ընդլայնման հարցերով հանձնակատարը կայցելի օկուպացված Ակնա

ԵՄ ընդլայնման հարցերով հանձնակատար Մարթա Կոսը ժամանել է Բաքու։

Մարթա Կոսը կծանոթանա օկուպացված Ակնայում ականազերծման աշխատանքներին։

«Մարթա Կոսի այցը համընկնում է Հայաստանի և Ադրբեջանի միջև խաղաղության գործընթացի կարևոր փուլի հետ և հնարավորություն կտա ներկայացնել ԵՄ միջտարածաշրջանային հարաբերությունների օրակարգը՝ որպես տարածաշրջանային զարգացման գործում կոնկրետ ներդրում», – գրում են ադրբռջանական ԶԼՄ-ները։

Բարձր մակարդակի հանդիպումների ժամանակ Մարթա Կոսը կքննարկի ընդհանուր ռազմավարական շահերը, այդ թվում՝ էներգետիկային, տրանսպորտին և ականազերծման գործողություններին առնչվող հարցերը։

Եվրոպական հանձնակատարը կհանդիպի Ադրբեջանի նախագահ Իլհամ Ալիևի, արտաքին գործերի նախարար Ջեյհուն Բայրամովի և էկոնոմիկայի նախարար Միքայիլ Ջաբարովի հետ։ Նա նաև կայցելի օկուպացված Ակնա, որտեղ կհանդիպի ականազերծման մասնագետների հետ։