«Հայաքվեի» դեմ տեղի էր ունենում ագրեսիվ հակաքարոզչություն`վարչական
ռեսուրսի կիրառմամբ․ այս մասին նախաձեռնության ամփոփիչ ասուլիսին ասաց Ավետիք Չալաբյանը։
«Սակայն շնորհիվ մեր 300 կամավորների` կարողացանք իրականություն
դարձնել ու առաջին փուլը հասցնել բարեհաջող ավարտին»,- նշեց նա։
Կազմակերպիչների խոսքով` իշխանությունը բոլոր եղանակներով փորձում
է բարդացնել կամ անհնարին դարձնել «Հայաքվեի» գործունեությունը։ Սակայն նույնիսկ այս
պայմաններում առաջին փուլը կարողացան ավարտել նախատեսվածից երկու շաբաթ շուտ` անգամ
այն դեպքում, երբ սկսել էին մեկ շաբաթ ուշ։
«Որևէ մեկը Փաշինյանին մանդատ չի տվել Արցախը հանձնելու ու հենց
սրա դեմ է պայքարում Հայաքվեն։ Ավելին, շուտով իշխանական կուսակցության ներսում են
սկսելու այդ խոսակցությունները»- ասաց Չալաբյանը։
