Եվրոպայի խորհրդի խորհրդարանական վեհաժողովի անդամ
Փոլ Գավանը համոզմունք է հայտնել առ այն, որ Արցախում տեղի ունեցող իրադարձությունները
տեղի հայ բնակչության էթնիկ զտման միտումնավոր փորձ է: Այս մասին իռլանդացի քաղաքական
գործիչը գրել է իր թվիթերյան էջում։
«Այն, ինչի ականատեսն ենք
հիմա, Լեռնային Ղարաբաղի հայ բնակչության էթնիկական զտման միտումնավոր փորձ է։ Շրջափակման խստացմամբ Ադրբեջանը
Ղարաբաղի հայերին կանգնեցնում է ընտրության առաջ՝ հանձնվել կամ սովամահ լինել», – գրել է Գավանը։
