Թրամփի նախկին խորհրդական Ջոն Բոլթոնը մեղադրվում է ազգային անվտանգության տվյալների արտահոսքի համար
ԱՄՆ նախագահ Դոնալդ Թրամփի ազգային անվտանգության նախկին խորհրդական Ջոն Բոլթոնին մեղադրանք է առաջադրվել գաղտնի տեղեկատվության ապօրինի տարածման համար․ հաղորդում է CNN-ը՝ վկայակոչելով դատական աղբյուրներին։
Աղբյուրների փոխանցմամբ՝ Բոլթոնին մեղադրանք է առաջադրվել Մերիլենդ նահանգում՝ Հետաքննությունների դաշնային բյուրոյի կողմից տարվող աշխատանքներից հետո։ CNN-ը պնդում է, որ Բոլթոնը, ենթադրաբար, խիստ գաղտնի տեղեկատվություն է փոխանցել իր կնոջը և դստերը՝ էլեկտրոնային փոստով։
Մեղադրանքներին ի պատասխան՝ Բոլթոնի պաշտպանական թիմը պնդել է, որ նրա դեմ հարուցված քրեական գործը անհիմն է։
«Այս մեղադրանքները հիմնված են դեսպան Բոլթոնի անձնական օրագրերի հատվածների վրա, որոնք նա պահել է իր 45-ամյա կարիերայի ընթացքում։ Գրառումները գաղտնի չեն և հասանելի են միայն նրա անմիջական ընտանիքին», – Fox News-ին ասել է փաստաբան Աբբե Լոուելը։
