Հուլիսի 16-ից 25-ը Ցյուրիխում (Շվեյցարիա) անցկացվել է Քիմիայի
55-րդ միջազգային օլիմպիադան:
Այս մասին հայտնում են ՀՀ ԿԳՄՍ նախարարությունից:
«Հայաստանը ներկայացրել են Քվանտ վարժարանի 12-րդ դասարանի աշակերտներ
Լեոնիդ Ասատրյանն ու Յուրի Պետրոսյանը, Գյումրու Ֆոտոն վարժարան 12-րդ դասարանի սան
Տիգրան Մխիթարյանը և Վանաձորի մաթեմատիկական և բնագիտական առարկաների խորացված ուսուցմամբ
հատուկ դպրոցի 10-րդ դասարանի աշակերտ Արման Խառատյանը:
Ոսկե մեդալի է արժանացել Լեոնիդ Ասատրյանը, բրոնզե մեդալների՝ Տիգրան Մխիթարյանը և Արման Խառատյանը, գովասանագրի՝ Յուրի Պետրոսյանը»,- նշված է հաղորդագրությունում:
