Հարավային Կովկասի երկրները կիսում են ընդհանուր տեսակետներ. Վրաստանի վարչապետ
Վրաստանի վարչապետ Իրակլի Կոբախիձեն՝ ելույթ ունենալով Թբիլիսիի «Մետաքսի ճանապարհի» 5-րդ ֆորումի բացման արարողության ժամանակ, նշել է, որ ֆորումը դարձել է տարածաշրջանային երկխոսության շատ կարևոր հարթակ։
«Ես հատկապես ուրախ եմ, որ այսօր մեզ հետ այստեղ են բարեկամ և ռազմավարական գործընկեր երկրների՝ Հայաստանի և Ադրբեջանի վարչապետները։ Ձեր ներկայությունը ևս մեկ անգամ հաստատում է, որ Հարավային Կովկասի երկրները կիսում են ընդհանուր տեսակետներ։ Դրանք կայանում են նրանում, որ համատեղ ջանքերով մեր տարածաշրջանը վերածենք խաղաղության, կայունության և տնտեսական հնարավորությունների տարածքի»,- նշել է Կոբախիձեն։
