Լուվրի կողոպուտը կատարել են Փարիզի աղքատ թաղամասի «մանր հանցագործները», այլ ոչ պրոֆեսիոնալներ

Լուվրի կողոպուտը կատարել են Փարիզի աղքատ թաղամասի «մանր հանցագործները», այլ ոչ թե կազմակերպված հանցավոր խմբերի պրոֆեսիոնալներ․ գրում է Reuters-ը։

Քաղաքի դատախազ Լոր Բեկոյի խոսքով՝ ձերբակալվածները նախկինում դատապարտվել են մանր գողության համար։

Ներկայում կալանքի տակ է չորս մարդ։ Ավելի վաղ հաղորդվել էր 7 ձերբակալվածի մասին, սակայն երեքն ազատ են արձակվել։

Հիշեցնենք, որ աշխարհի ամենաայցելվող թանգարանի կողոպուտն իրականացվել է հոկտեմբերի 19-ին։ 4 անձինք բոլորի աչքի առաջ թանգարանից գողացել էին  88 մլն եվրոյի զարդեր։ Հանցագործները թանգարան էին մտել պատուհանից՝ սանդուղքով։