«Վրաստանում Ադրբեջանի դեսպանությունը 44-օրյայի տարելիցին համերգ է կազմակերպել, դա նպաստում է էթնիկական բախումների խորացմանը»․ հայտարարություն
Վրաստանում Ադրբեջանի դեսպանության՝ 44-օրյան պատերազմի տարելիցին համերգ կազմակեպրպելն անընդունելի է։ Այս մասին հայտնում է Վրաստանի «Հայ Համայնք» կազմակերպությունը։
«Վրդովվեցնող է, որ նման իրադարձությունը տեղի է ունենում այն ժամանակաշրջանում, երբ հազարավոր հայ ընտանիքներ դեռևս տառապում են էթնիկ զտումների հետևանքներից, իսկ Բաքվում կեղծ դատավարություն է ընթանում Ադրբեջանի կողմից անօրինաբար գերեվարված, քաղաքացիական անձանց և տարածաշրջանի նախկին ղեկավարների դեմ:
Սա միջազգային մարդասիրական իրավունքի կոպիտ խախտում է։
Թբիլիսիում նման միջոցառումների անցկացումը նպաստում է էթնիկական բախումների խորացմանը»,- ասված է հայտարարության մեջ։
