Վրաստանի նախկին վարչապետին մեղադրանք է առաջադրվել

Վրաստանի նախկին վարչապետ Գիորգի Գախարիային մեղադրանք է առաջադրվել 2019 թվականի հունիսի 20-ին ոստիկանական գործողությունների համար։ Այս մասին ճեպազրույցի ժամանակ հայտարարել է Վրաստանի գլխավոր դատախազ Գիորգի Գվարակիձեն։

Նա նշել է, որ գործը վերաբերում է 2019 թվականի հունիսի 20-21-ի և Չորչանայի միջադեպերին։ Մասնավորապես` խոսքը վերաբերում է երկրի խորհրդարանի շենքի դիմաց բողոքի ակցիայի ժամանակ երկուսից ավելի անձանց դիտավորյալ ծանր մարմնական վնասվածք հասցնելուն, ինչպես նաև պետական քաղաքական պաշտոն զբաղեցնող անձի կողմից պաշտոնեական լիազորությունների չարաշահմանը։