Ալավերդիի գյուղերից մեկում 75-ամյա տղամարդը փայտե ձողով սպանել է հասակակից հարևանին

Նոյեմբերի 28-ին Ոստիկանության Թումանյանի բաժին քաղաքացին հաղորդում է ներկայացնել, որ հարևանը՝ Ալավերդի համայնքի Ակներ թաղամասի բնակիչ 74-ամյա Լյովիկ Շ․-ն, նախորդ օրվանից տուն չի վերադարձել․ տեղեկացնում են ՆԳՆ լրատվական ծառայությունից։

«Ալավերդիի համայնքային ոստիկանները պարզել են, որ նոյեմբերի 27-ին՝ ժամը 18.00-ի սահմաններում, Լյովիկ Շ․-ն գնացել է իր հարևան 75-ամյա տղամարդու տուն, որտեղ կենցաղային վեճի ժամանակ հարևանը փայտե ձողով հարվածել է Լյովիկ Շ․-ի գլխին, ինչի հետևանքով նա մահացել է:

75-ամյա տղամարդը խոստովանել է արարքը, հայտնաբերվել է նաև հանցագործության գործիքը՝ փայտե ձողը:

Կազմված փաստաթղթերը փոխանցվել են Թումանյանի քննչական բաժին։ Նախաձեռնվել է քրեական վարույթ»,- փոխանցում են իրավապահ համակարգից։

Ըստ լրատվամիջոցների էլ՝ մահացածն ու կասկածյալը երկար տարիներ հաշվառված են եղել հոգենյարդաբանական դիսպանսերում, և, ըստ այդմ, քննիչը որոշել է՝ կասկածյալին ուղարկվել դատահոգեբուժական փորձաքննության։