Հայաստան-Թուրքիա կանոնավոր շփումները կարևոր են․Պապոյանը հանդիպել է թուրք գործընկերոջը
Հայաստանի էկոնոմիկայի նախարար Գևորգ Պապոյանը Ստամբուլում հանդիպել է Թուրքիայի գյուղատնտեսության և անտառտնտեսության նախարար Իբրահիմ Յումաքլիի հետ․ տեղեկացնում են Էկոնոմիկայի նախարարությունից։
«Նախարարները երկուստեք կարևորել են Հայաստան-Թուրքիա կանոնավոր շփումները և վերահաստատել երկխոսությունը շարունակելու պատրաստակամությունը։
Քննարկվել են Կարս-Գյումրի երկաթուղային հաղորդակցության վերաբացման հնարավորությունները։
Աանդրադարձ է կատարվել շուկաների դիվերսիֆիկացման, լոգիստիկ նոր ուղիների ձևավորման, փոխադարձ տնտեսական հետաքրքրությունների ընդլայնման հնարավորություններին։
Քննարկվել են նաև գյուղատնտեսության ոլորտում համագործակցության վերաբերյալ հարցեր, մասնավորապես՝ գյուղապահովագրության, կարկտահարության և կենդանիների հիվանդությունների դեմ համատեղ պայքարի վերաբերյալ»,- ասված է հաղորդագրությունում։
