Զանգեզուրի կոմբինատի հրդեհից որևէ մեկը չի տուժել
Զանգեզուրի պղնձամոլիբդենային կոմբինատում բռնկված հրդեհը մարվել է․ հայտնում են ԶՊՄԿ-ից։
Կոմբինատի Facebook-ի էջից տեղեկանում ենք, որ հրդեհը բռնկվել էր կոմբինատի ոչ արտադրական տեղամասերում։
«Այրվել է չշահագործվող, ապամոնտաժման փուլում գտնվող նախկին արտադրամասերից մեկը»,- ասված է կոմբինատի տարածած հայտարարության մեջ։
Ըստ ԶՊՄԿ-ի՝ մոտ 50 րոպե տևած հրդեհից որևէ մեկը չի տուժել։ «Պատճառները դեռևս հայտնի չեն, հանգամանքները պարզելու համար կատարվում է քննությունն»,- նշված է հայտարարությունում:
ՆԳՆ փրկարար ծառայության հաղորդագրությունից էլ տեղեկանում ենք, որ կրակը մեկուսացվել է ժամը 19։50-ին, ամբողջությամբ մարվել՝ 21։15-ին։ «Այրվել են տանիքի՝ մոտ 300 քմ մակերեսով փայտե կառուցատարրեր և չշահագործվող երեք հաստոց»,- ասված է պաշտոնական հաղորդագրությունում:
