Ախուրյանում լույս աշխարհ է եկել հերոս Արթուր Մխիթարյանի եղբայրը

Շիրակի մարզի Ախուրյան համայնքում փետրվարի 2-ին լույս աշխարհ է եկել 2022 թվականի հունվարի 11-ին Վերին Շորժայի դիրքերում հակառակորդի հարձակման ժամանակ զոհված Արթուր Մխիթարյանի եղբայրը։ Նորածնի անունը ավագ եղբոր պատվին Արթուր են դրել: Ինչպես «Արմենպրես»-ի թղթակցին տեղեկացրեց մայրը՝ Սեդա Մարգարյանը, փոքր Արթուրը ծնվել է 3 կգ քաշով։

«Ընդհանուր նմանություն ունի եղբոր հետ՝ աչքերի գույնը և դիմագծերը նման են։ Յուրաքանչյուր երեխա իր տեղն ունի, ու ոչ մեկը մյուսի տեղը չի լրացնում։ Մեր ընտանիքում փոփոխություն էր անհրաժեշտ, և փոքրիկի ծնունդը միջնեկ որդուս՝ Արսենի ամենամեծ երազանքն էր։ Նա ցանկանում էր նորից եղբայր ունենալ»,-պատմում է մայրը՝ հավելելով, որ ինչպես քույրն ու եղբայրը,  այնպես էլ կրտսեր Արթուրը պետք է իմանա, որ հերոս եղբայր ունի:

Փոքրիկը և մայրը դեռ մեկ կամ երկու օր կմնան հիվանդանոցում, իսկ տանը նրանց անհամբերությամբ սպասում են մյուս երեխաներն ու հարազատները։

Նյութն ամբողջությամբ՝ սկզբնաղբյուրում։