Զղջում եմ նրա հետ անցկացրած յուրաքանչյուր րոպեի համար․ Բիլ Գեյթսը հերքել է Էփշտեյնի գործով իրեն հասցեագրված մեղադրանքները

Microsoft-ի համահիմնադիր Բիլ Գեյթսը հայտարարել է, որ զղջում է հանգուցյալ ֆինանսիստ Ջեֆրի Էփշտեյնի հետ անցկացրած «յուրաքանչյուր րոպեի» համար՝ հերքելով ԱՄՆ իշխանությունների կողմից անցյալ շաբաթ հրապարակված էլեկտրոնային նամակներում առկա մեղադրանքները․ գրում է Euronews-ը։

«Զղջում եմ նրա հետ անցկացրած յուրաքանչյուր րոպեի համար, և ներողություն եմ խնդրում», – ասել է Գեյթսը 9News Australia-ին տված հարցազրույցում։

Անցյալ շաբաթ Էփշտեյնի գործով ԱՄՆ արդարադատության նախարարության հրապարակած 3 միլիոն էջ փաստաթղթերում ներառված են չուղարկված էլեկտրոնային նամակներ (draft), որոնցում պնդումներ են արվում Գեյթսի մասին։

«Ամենայն հավանականությամբ, Ջեֆրին ինքն իրեն էլեկտրոնային նամակ է գրել։ Այդ էլեկտրոնային նամակը երբեք չի ուղարկվել․ այն կեղծ է։ Չգիտեմ, թե ինչ էր նա մտածում այդ ժամանակ․ գուցե նա փորձում էր ինչ-որ կերպ հարձակվել ինձ վրա», – ասել է Գեյթսը։

2013 թվականին գրված և չուղարկված նամակներից մեկում Էփշտեյնը պնդում էր, որ Գեյթսն ունեցել է արտամուսնական կապեր, և որ ինքն օգնել է Գեյթսին թմրանյութեր ձեռք բերել։

Հիշեցնենք, որ Էփշտեյնի հետ նախկին ամուսնու կապերի մասին Գեյթսի նախկին կինը՝ Մելինդա Ֆրենչ Գեյթսը, հայտարարել է, որ բացահայտումներն արթնացնում են իր ամուսնության «շատ ցավոտ ժամանակների