Մոսկվան հերքել է պնդումները, որ Ջեֆրի Էփշտեյնը «ռուսական գործակալ» է եղել
Կրեմլը հայտարարել է, որ չի ցանկանում ժամանակ վատնել՝ պատասխանելով արևմտյան լրատվամիջոցներում տարածված անհիմն ենթադրություններին, թե հանգուցյալ ֆինանսիստ Ջեֆրի Էփշտեյնը ռուսական հետախուզության գործակալ կարող էր լինել․ գրում է Reuters գործակալությունը։
Լեհաստանի վարչապետ Դոնալդ Տուսկը երեքշաբթի հայտարարել էր, որ Վարշավան հետաքննություն կսկսի Էփշտեյնի և ՌԴ հետախուզական ծառայությունների միջև հնարավոր կապերի, ինչպես նաև Լեհաստանի վրա հնարավոր ազդեցության վերաբերյալ։
Տուսկը, սակայն, իր պնդումների համար որևէ ապացույց չի ներկայացրել։
Տուսկի խոսքերի և արևմտյան լրատվամիջոցների հաղորդագրությունների վերաբերյալ ՌԴ նախագահի խոսնակ Դմիտրի Պեսկովն ասել է. «Ես կցանկանայի կատակել նման տարբերակների շուրջ, բայց եկեք չվատնենք մեր ժամանակը»։
