Ալիևը նամակ է գրել Էրդողանին
Ադրբեջանի նախագահ Իլհամ Ալիևը նամակ է հղել Թուրքիայի նախագահ Ռեջեփ Թայիփ Էրդողանին 3 տարի առաջ Թուրքիայում տեղի ունեցած ավերիչ երկրաշարժի կապակցությամբ․ գրում են ադրբեջանական լրատվամիջոցները։
«Ադրբեջանի աջակցությունն իր եղբայրական երկրի վերականգնման և շինարարական աշխատանքների ջանքերին մեր բարեկամական և դաշնակցային հարաբերությունների հստակ արտահայտությունն է։ Վստահ եմ, որ «Մեկ ազգ, երկու պետություն» փիլիսոփայության վրա հիմնված ադրբեջանա-թուրքական ամուր միասնությունն ու ռազմավարական դաշինքը կշարունակեն նպաստել մեր ժողովուրդների բարգավաճմանը և կծառայեն տարածաշրջանային կայունության, անվտանգության և կայուն զարգացման ապահովմանը»,- գրել է Ալիևը։
Հիշեցնենք, որ երկրաշարժի հետևանքով հազարավոր մարդիկ մահացան մեկ գիշերվա ընթացքում, բազմաթիվ քաղաքներ ու գյուղեր ավերվեցին։
