Հայաստանն ու Ադրբեջանն իսկապես մեկ քայլ են հեռու խաղաղության համաձայնագրի ստորագրումից. Կալաշնիկով

Ինձ թվում է, որ Հայաստանն ու Ադրբեջանն իսկապես մեկ քայլ են հեռու
խաղաղության համաձայնագրի ստորագրումից. «Свободная пресса»-ի հետ զրույցում ասել է
Պետդումայի ԱՊՀ հարցերով հանձնաժողովի նախագահ Լեոնիդ Կալաշնիկովը։

«Միայն տարածաշրջանային 3 հարեւանները պետք է բանակցեին՝ Ադրբեջանը,
Հայաստանը և Ռուսաստանը։ Ես երբեք իսկապես չեմ հավատացել Ղարաբաղի հարցով Մինսկի խմբին,
որտեղ համանախագահներն էին, բացի մեզանից, ԱՄՆ-ն ու Ֆրանսիան։ Մատ չեն շարժել»,- ասել
է  պատգամավորը։

Կալաշնիկովը հայտարարել է, թե Արցախը զիջելուց հետո Հայաստանի համար
ձեռնտու վիճակ է ստեղծվել և «բռունցքով սեղանին խփելու իմաստ չկա»։

«Պետք է առավելագույնս օգտվենք դրանից: Սա վերաբերում է նաև Ադրբեջանի
և Թուրքիայի հետ բարիդրացիությանը, նրանք այլ սահմաններ չունեն 

Արժե ստեղծել այնպիսի միջանցքներ, որոնք տնտեսապես շահավետ են,
այդ թվում՝ հարևանների համար: Իսկ դա ձեռնտու է Ռուսաստանին, քանի որ մենք կարող ենք
նրանց միջոցով միջանցք բացել դեպի հարավ, համաձայնության գալ Վրաստանի հետ։ Ի վերջո,
իմ կսրծիքով իրավիճակը բավականին բարենպաստ է»,- ասել է Կալաշնիկովը։