Փրկարար ծառայությունը տեղեկացնում է, որ ՀՀ տարածքում կան փակ
ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական
կայանից դեպի Ամբերդ ամրոց և Քարի լիճ տանող ավտոճանապարհները։
Վարդենյաց լեռնանցքը (մառախուղ և բուք է) անվաշղթաների կիրառման
դեպքում
դժվարանցանելի է կցորդիչով բեռնատարների համար։
Վայոց ձորում Ջերմուկ տանող ավտոճանապարհներին, Սյունիքի Տաթև-Լծեն,
Գորիս-Սիսիան, Սիսիան-«Զանգեր» կոչվող հատվածներում, Արագածոտնի մարզի Ապարանի, Արագածի
և Թալինի տարածաշրջաններում տեղ-տեղ առկա է
մերկասառույց։
«Մեղրու սար» կոչվող հատվածում, Ելփինի, Աշոցքի և Ամասիայի տարածաշրջաններում,
Ապարան, Գյումրի քաղաքներում տեղում է ձյուն։
Լարսի մասին
Ստեփանծմինդա-Լարս ավտոճանապարհը փակ է բեռնատարների համար, տեղեկացնում
է Վրաստանի ՆԳՆ ԱԻ դեպարտամենտը և ՌԴ ԱԻՆ Հյուսիսային Օսիայի ճգնաժամային կառավարման
կենտրոնը:
Վարորդներին խորհուրդ է տրվում երթևեկել բացառապես ձմեռային անվադողերով։
