Իսպանիայի վարչապետը մերժում է ԱՄՆ-ի և Իսրայելի «միակողմանի» ռազմական գործողություններն Իրանի դեմ

Իսպանիայի վարչապետ Պեդրո Սանչեսը մերժել է Իրանի դեմ ԱՄՆ-ի և Իսրայելի «միակողմանի» ռազմական գործողությունը, որը, նրա խոսքով, սրում է լարվածությունը և նպաստում է ավելի անորոշ և թշնամական միջազգային կարգի ձևավորմանը․ գրում է Al Jazeera-ն։

X-ում կատարած հայտարարության մեջ Սանչեսը նշել է, որ մերժում է նաև Իրանի կառավարության և Իսլամական հեղափոխության պահապանների կորպուսի գործողությունները։

«Մենք պահանջում ենք անհապաղ դեէսկալացիա և միջազգային իրավունքի լիակատար հարգանք»,- գրել է նա։