Բավրայի մաքսակետը փակ է բեռնատարների համար
Բավրայի մաքսային անցակետը բաց է մարդատար տրանսպորտային միջոցների համար․ տեղեկանում է Պետեկամուտների կոմիտեն։
«Միաժամանակ, տեղեկացնում ենք, որ բեռնատար տրանսպորտային միջոցների համար անցակետը շարունակում է ժամանակավորապես փակ մնալ՝ ճանապարհների անանցանելիության պատճառով։
Բեռնատարների վարորդներին հորդորում ենք երթևեկությունը ժամանակավորապես իրականացնել Բագրատաշեն և Գոգավան մաքսային անցման կետերով։
Բեռնատար տրանսպորտային միջոցների համար անցակետի վերաբացման վերաբերյալ լրացուցիչ կտեղեկացնենք»,- ասված է ՊԵԿ-ի տարածած հաղորդագրությունում։
