«Գոռացել եմ, որ մատս մնացել է»․ ինչո՞ւ չի լսել 33 համարի ավտոբուսի վարորդը

33 համարի ավտոբուսի ուղևոր Արամ Այվազյանի խոսքով՝ ավտոբուսի դուռը փակվել է իր մատի վրա, ինչի հետևանքով ցուցամատը վնասվել է։ Նա վիրահատվել է և չի կարողանում աշխատանքի գնալ։ Քաղաքացին պնդում է, որ դեպքից հետո փորձել է խնդիրը կարգավորել, սակայն փոխհատուցում ստանալու հարցը մինչ այժմ չի լուծվել։

«Երևան ավտոբուս» ՓԲԸ-ից հայտնում են, որ դեպքի պահին վարորդը ուղևորի վնասվածքի մասին տեղյակ չի եղել, իսկ բժշկական և այլ ծախսերի փոխհատուցումը կարգավորվում է ապահովագրական ընթացակարգով։ Ինչո՞ւ 33 համարի ավտոբուսում տեսախցիկ չկա, ինչպե՞ս է արձանագրվել դեպքը և ի՞նչ պետք է անի վնասվածք ստացած ուղևորը։