Ալյոշկին ապացուցում է՝ մարդկայինությունը կարող ենք վեր դասել պատերազմից․ Մելանյա Թրամփ

ԱՄՆ առաջին տիկին Մելանյա Թրամփն Ալյոշկիում հումանիտար առաքելության ավարտից հետո հույս է հայտնել, որ հնարավոր է հասնել կայուն խաղաղության և մարդկայինությունը վեր դասել պատերազմից․ գրում է rbc.ru-ն։

«Ալյոշկին ապացուցում է, որ մենք կարող ենք մարդկայնությունը վեր դասել պատերազմից։ Միասին մենք կարող ենք կառուցել խաղաղ մոլորակ ու մեր երեխաների համար հույսով լի աշխարհ»,- գրել է նա X-ում։

Նշենք, որ Խերսոնի մարզի Ալյոշկի քաղաքում ավարտվել է խաղաղ բնակիչների տարհանման հումանիտար առաքելությունը, որի կազմակերպմանը միջնորդել էր ԱՄՆ առաջին տիկին Մելանյա Թրամփը։

Քաղաքից տարհանվել է ավելի քան 750 մարդ։ Բնակիչներին հնարավորություն է տրվել ինքնուրույն ընտրել բնակության հետագա ուղղությունը՝ Ռուսաստան կամ Ուկրաինա։

Տարհանվածների ճնշող մեծամասնությունը նախընտրել է տեղափոխվել Ուկրաինա՝ 11 ավտոբուս։ Դեպի Ռուսաստան, այդ թվում՝ Սիմֆերոպոլի ժամանակավոր տեղաբաշխման կետեր, ուղևորվել է 4 ավտոբուս։

Տարհանվածները հիմնականում տարեցներ ու հաշմանդամություն ունեցող անձինք են եղել։