ԱՄՆ-ն կարող է մոտ 100 հազար ուկրաինացի փախստականի զրկել երկրում մնալու իրավունքից
Ինչպես նշվում է նյութում, վարչակազմը մինչև հոկտեմբերի 19-ը ժամանակ ունի՝ ԱՄՆ-ում գտնվող 100 հազար ուկրաինացիներին ժամանակավորապես պաշտպանվող անձանց կարգավիճակ տրամադրումը երկարաձգելու կամ չեղարկելու համար։ Այն չեղարկելու դեպքում նրանք ստիպված կլինեն լքել ԱՄՆ-ը։
Հրատարակության աղբյուրների խոսքով՝ վարչակազմը կարող է որոշել չերկարաձգել այդ թույլտվությունը։ Մասնավորապես, այն կարող է «թույլ տալ, որ այդ կարգավիճակի ժամկետը լրանա՝ առանց այն պաշտոնապես չեղարկելու, և այդ դեպքում այն ինքնաբերաբար կերկարաձգվի վեց ամսով»։ Նշվում է, որ ԱՄՆ իշխանությունները նախկինում նույն կերպ են վարվել Սալվադորից ժամանած փախստականների նկատմամբ, և նրանք իրավական տեսանկյունից հայտնվել են «անորոշ վիճակում», քանի որ պահպանել են ԱՄՆ-ում գտնվելու հնարավորությունը, սակայն պարզ չէ՝ արդյոք նրանք իրավունք ունեն այդ երկրում աշխատելու և սովորելու։
