Չեմ բացառում՝ ադրբեջանցի զինվորը փոխանակվի հայ գերիներների հետ, բայց դրա մասին խոսելը շատ վաղ է․ Արմեն Խաչատրյան
Շաքիի միջադեպի մասնակից ադրբեջանցի զինծառայողին փոխանակելու մասին այս պահին խոսք լինել չի կարող․ խորհրդարանական ճեպազրույցների ժամին հայտարարեց «Քաղաքացիական պայմանագիր» խմբակցության պատգամավոր Արմեն Խաչատրյանը։
Նրա ներկայացրածով՝ այս պահին կա քրեական վարույթ, և պետք է իրավական գնահատական տրվի սահմանը խախտելու գործողություններին, ինչից հետո քրեական գործը, մեղադրական եզրակացությամբ, կուղարկվի դատարան։
«Դատարանում, ամենայն հավանականությամբ, կդատապարտվի, և կսկսվի կրել պատիժը՝ ՀՀ օրենքներին համապատասխան։
Դրանից հետո չեմ բացառում, (պրակտիկան էլ ցույց է տվել, որ նման դեպքեր եղել են), որ, հնարավոր է, Ադրբեջանում գերավարության մեջ գտնվող և մեր հայրենակիցների՝ Հայաստան տեղափոխելու դիմաց՝ ադրբեջանցին էլ հանձնվի իր երկրին։ Բայց դրա մասին խոսելը շատ վաղը է։ Նման պրոցես չկա այժմ։ Պրոցեսները գտնվում են քրեադատավարական տիրույթում»,- ավելացրեց Խաչատրյանը։
