Թուրքիայում հրթիռային միջադեպերի համար Իրանը կասկածում է «երրորդ կողմի»
Իրանը կարծում է, որ Թուրքիայի վնասազերծած հրթիռներն արձակվել են երրորդ կողմից. հայտարարել է Անկարայում Իրանի դեսպան Մոհամմադ Հասան Հաբիբուլլահզադը․ գրում է РИА Новости-ն։
Ավելի վաղ Թուրքիայի պաշտպանության նախարարությունը հայտնել էր, որ ՆԱՏՕ-ի ՀՕՊ ուժերը որսացել են Իրանից արձակված բալիստիկ հրթիռ, ինչը հակամարտության սրումից ի վեր երրորդ նմանատիպ միջադեպն է։
«Սա մեզ համար էլ է մնում առեղծված. ինչպե՞ս է դա հնարավոր։ Մենք կարծում ենք, որ դա կարող էր իրականացվել երրորդ անձանց կողմից», – դիվանագետի խոսքերն է մեջբերել «Ենի Շաֆակ» թերթը։
Երկուշաբթի Թուրքիայի պաշտպանության նախարարությունը հայտնել էր, որ ՆԱՏՕ-ի ՀՕՊ ուժերը խոցել են Իրանից արձակված բալիստիկ հրթիռ, որի հետևանքով զոհեր չկան։
Մարտի 4-ին նմանատիպ միջադեպ է տեղի ունեցել Հաթայ նահանգի օդային տարածքում։
Թուրքիայի նախագահ Ռեջեփ Թայիփ Էրդողանի հետ հեռախոսազրույցում Իրանի նախագահ Մասուդ Փեզեշքիանը հայտարարել է, որ Թեհրանը պատրաստ է Անկարայի հետ համատեղ հանձնաժողով ստեղծել՝ Իրանի կողմից Թուրքիայի վրա ենթադրյալ հրթիռային հարձակումները հետաքննելու համար։
