ԱՄԷ-ն Իրանի հարցով չի միջնորդի, քանի դեռ Թեհրանը շարունակում է հարվածել
ԱՄԷ-ն կկարողանա միջնորդել Իրանի շուրջ հակամարտության կարգավորմանը միայն այն բանից հետո, երբ Թեհրանը դադարեցնի հարձակումները ԱՄԷ-ի և Պարսից ծոցի մյուս պետությունների վրա․ ТАСС-ի փոխանցմամբ՝ այս մասին հայտնել է ԱՄԷ արտաքին գործերի նախարարության պաշտոնյա Լանա Նուսեյբեհին։
«Դժվար է խոսել միջնորդության մասին՝ հարձակման տակ լինելով․ միջնորդի դերը կարելի է ստանձնել միայն հրադադարի դեպքում», – ասել է նա։
Նուսեյբեհը, սակայն, վստահություն է հայտնել, որ հակամարտությունը կավարտվի բանակցությունների միջոցով։ Նրա խոսքով՝ էսկալացիայից երկու շաբաթ առաջ Թեհրան կատարած իր այցի ժամանակ իրանցի պաշտոնյաները նրան ոչ մի նշան չեն տվել, որ ԱՄԷ-ն կարող է թիրախավորվել։
