Ծանր երեկո Իսրայելում․ Նեթանյահուն խոստանում է շարունակել հարվածները
Իսրայելը շարունակելու է հարվածել իր թշնամիներին բոլոր ճակատներում․ այս մասին X-ի իր էջում գրել է Իսրայելի վարչապետ Բենիամին Նեթանյահուն՝ նշելով, որ շատ ծանր երեկո են ունեցել:
Նեթանյահուն հայտնել է, որ քիչ առաջ խոսել է Արադ քաղաքի քաղաքապետ Յաիր Մայանի հետ և խնդրել՝ բոլոր իսրայելցիների անունից փոխանցել իրենց աղոթքները վիրավորների շուտափույթ ապաքինման համար։
Նրա խոսքով՝ արդեն հանձնարարել է ապահովել անհրաժեշտ ամբողջ աջակցությունը՝ ներգրավելով բոլոր նախարարությունները։
Նեթանյահուն նշել է նաև, որ ուժեղացվում են դեպքի վայրում գործող արտակարգ և փրկարարական ծառայությունները և կոչ արել քաղաքացիներին հետևել հրամանատարության ցուցումներին։
