Փահլավին կոչ է արել ԱՄՆ-ին և Իսրայելին չհարվածել Իրանի քաղաքացիական ենթակառուցվածքներին
Իրանի վերջին շահի որդին՝ Ռեզա Փահլավին, կոչ է արել Դոնալդ Թրամփին և Բենիամին Նեթանյահուին խուսափել Իրանի քաղաքացիական ենթակառուցվածքների վրա հարձակումներից։
«Իրանի քաղաքացիական ենթակառուցվածքները պատկանում են Իրանի ժողովրդին և ազատ Իրանի ապագային: Իսլամական Հանրապետության ենթակառուցվածքները ճնշման և ահաբեկչության մեխանիզմ են, որն օգտագործվում է այդ ապագայի իրականացումը կանխելու համար:
Ես խնդրում եմ նախագահ Թրամփին և վարչապետ Նեթանյահուին շարունակել թիրախավորել ռեժիմը և դրա բռնաճնշող ապարատը՝ միաժամանակ խնայելով այն քաղաքացիական ենթակառուցվածքները, որոնք իրանցիներին անհրաժեշտ կլինեն մեր երկիրը վերականգնելու համար», – X սոցցանցում գրել է նա։
Այսօր ավելի վաղ ԱՄՆ նախագահ Դոնալդ Թրամփը սպառնացել էր «ոչնչացնել» իրանական էլեկտրակայանները, եթե Թեհրանը 48 ժամվա ընթացքում չբացի Հորմուզի նեղուցը:
