Իրանի հարվածներից տուժել են արաբական երկրների՝ տասնյակից ավելի բնակիչներ

Իրանական հարվածների հետևանքով Արաբական Միացյալ Էմիրություններում հրթիռների խոցման արդյունքում առաջացած բեկորներից վիրավորվել է 11 անձ․ գրում է Abu Dhabi Media-ն։

Ըստ X-ում հրապարակված տվյալների՝ տուժածները Նեպալի և Հնդկաստանի քաղաքացիներ են․ նրանց կյանքին վտանգ չի սպառնում։ Ընդհանուր առմամբ, ԱՄԷ զինված ուժերը հայտնել են 22 հրթիռ, նաև 47 անօդաչու սարք խոցելու մասին։

Հորդանանի բանակը խոցել է 2 հրթիռ, ինչի հետևանքով տուժել է 2 մարդ․ նրանց վիճակը կայուն է։ Al Jazeera-ի փոխանցմամբ՝ իրենց տարածք ուղղված անօդաչու սարքեր խոցելու մասին հայտնել են նաև արաբական այլ երկրներ՝ Սաուդյան Արաբիան, Քուվեյթը և Բահրեյնը։