Արե՛ք ամեն ինչ՝ Մերձավոր Արևելքում խաղաղություն հաստատելու համար․ Հռոմի պապը՝ Իսրայելի նախագահին
Հռոմի պապը հեռախոսազրույց է ունեցել Իսրայելի նախագահ Իցհակ Հերցոգի հետ ու կոչ արել ձեռնարկել դիվանագիտական միջոցներ Մերձավոր Արևելքում ռազմական գործողությունները դադարեցնելու համար․ գրել է Vatican News-ը։
«Պետք է կիրառել դիվանագիտական երկխոսության բոլոր ձևերն ու ուղիները՝ շարունակվող հակամարտությանը վերջ դնելու, ինչպես նաև՝ Մերձավոր Արևելքում երկարատև խաղաղության հասնելու համար»,- նշել է աղբյուրը։
Վատիկանից հայտնել են նաև, որ կաթոլիկ աշխարհի հոգևոր հայրը մշտապես ուշադրության կենտրոնում է պահում քաղաքացիական բնակչության պաշտպանության ու մարդասիրության հարցերը։
