Հուսով ենք՝ հետընտրական շրջանում Հայաստանն ավելի համարձակ քայլեր կձեռնարկի տարածաշրջանում խաղաղության և կարգավորման ուղղությամբ․ Թուրքիայի ԱԳՆ
Թուրքիայի արտաքին գործերի նախարարությունը հայտարարություն է տարածել Հայաստանում կայացած ԱԺ ընտրության վերաբերյալ։
«Մենք ողջունում ենք այն հանգամանքը, որ 2026 թվականի հունիսի 7-ին Հայաստանում անցկացված խորհրդարանական ընտրությունն ավարտվել է խաղաղ և հանգիստ մթնոլորտում»,- ասված է Թուրքիայի արտաքին գործերի նախարարության պաշտոնական հայտարարության մեջ։
Նախարարությունը նշել է՝ Թուրքիան հույս ունի, որ հետընտրական շրջանում Հայաստանը «ավելի համարձակ քայլեր» կձեռնարկի տարածաշրջանում խաղաղության և հարաբերությունների կարգավորման ուղղությամբ։
«Թուրքիան, ինչպես և մինչ օրս, շարունակելու է իր ներդրումն ունենալ տարածաշրջանային կայունության և բարգավաճման գործում՝ հիմնվելով տարածաշրջանի երկրների ընդհանուր շահերի վրա»,- հավելել է գերատեսչությունը։
