Սերդար Քըլըչը շտապել է շնորհավորել Ռուբեն Ռուբինյանին
Թուրքիա-Հայաստան հարաբերությունների հարցերով Թուրքիայի հատուկ ներկայացուցիչ Սերդար Քըլըչը գրառում է արել X սոցցանցում՝ շնորհավորելով Ռուբեն Ռուբինյանին ԱԺ նախագահի թեկնածուի պաշտոնում ընտրվելու կապակցությամբ՝ չնայած նրան, որ ԱԺ նախագահի ընտրություն դեռևս տեղի չի ունեցել։
«Հայաստանի Ազգային ժողովի նախագահի պաշտոնում ընտրվելու կապակցությամբ շնորհավորում եմ Հայաստան-Թուրքիա հարաբերությունների կարգավորման գործընթացում իմ գործընկերոջը՝ Ռուբեն Ռուբինյանին, որի հետ չորս տարիների ընթացքում ձևավորել ենք արդյունավետ աշխատանքային համագործակցություն և անկեղծ բարեկամական հարաբերություններ։ Նրան մաղթում եմ հետագա հաջողություններ նաև նոր պաշտոնում», – գրել է նա։
Հիշեցնենք՝ այսօր հայտնի դարձավ, որ ՔՊ-ն կառաջադրի Ռուբինյանին ԱԺ նախագահի պաշտոնում։
