Ալիևն ամերիկացի պաշտոնյայի հետ քննարկել է ՀՀ-Ադրբեջան խաղաղության օրակարգը և TRIPP-ի դերը
Ադրբեջանի նախագահ Իլհամ Ալիևն ընդունել է ԱՄՆ Սենատի արտաքին հարաբերությունների հանձնաժողովի անդամ և Եվրոպայի և տարածաշրջանային անվտանգության համագործակցության ենթահանձնաժողովի նախագահ սենատոր Սթիվ Դեյնսին։
Ալիևն ընդգծել է, որ Ադրբեջան-ԱՄՆ հարաբերությունները, որոնք հիմնված են համագործակցության և փոխադարձ վստահության վրա, հաջողությամբ զարգանում են Դոնալդ Թրամփի՝ ԱՄՆ նախագահի պաշտոնում երկրորդ ժամկետից ի վեր։ Նա նշել է, որ կապերը հասել են ռազմավարական գործընկերության մակարդակի, ինչը շատ կարևոր է ինչպես Բաքվի, այնպես էլ ամբողջ տարածաշրջանի համար։
Ալիևը հայտարարել է, որ Դոնալդ Թրամփի հետ իր անձնական հարաբերությունները նույնպես բարձր մակարդակի վրա են և ընդգծել է ԱՄՆ նախագահի հատուկ դերը Հայաստանի և Ադրբեջանի միջև խաղաղության օրակարգի առաջխաղացման գործում։
Սենատոր Սթիվ Դեյնսն, իր հերթին, նշել է, որ անցյալ տարվա օգոստոսին Ադրբեջանի նախագահի այցը Վաշինգտոն նշանակալի իրադարձություն էր։
Ըստ հաղորդագրության՝ Սթիվ Դեյնսը «շնորհակալություն է հայտնել նախագահ Իլհամ Ալիևին Ադրբեջանի և Հայաստանի միջև հարաբերությունների կարգավորման և խաղաղության օրակարգի իրականացման գործում նրա առաջնորդության համար»։
Զրույցի ընթացքում ընդգծվել է TRIPP-ի կարևորությունը տարածաշրջանային տրանսպորտային կապի համար։
