ԱՄՆ ներգաղթի ծառայության գործակալը մեքսիկացի ներգաղթյալի է սպանել

ԱՄՆ ներգաղթի և մաքսային հսկողության ծառայության (ICE) աշխատակիցը երեքշաբթի Հյուսթոնում կրակել է մի տղամարդու վրա․ գրում է Reuters գործակալությունը։

Գերատեսչության հայտարարության մեջ նշվում է, որ ծառայության աշխատակիցը կրակել է տղամարդու վրա, երբ իրավապահները փորձում էին կանգնեցնել նրա ավտոմեքենան:

Զոհը նույնականացվել է որպես Լորենցո Սալգադո Արաուխո։ Ըստ ICE-ի՝ Արաուխոն Մեքսիկայի քաղաքացի էր և ԱՄՆ-ում ապօրինի գտնվող միգրանտ։

Գերատեսչության հաղորդմամբ՝ Ներգաղթի ծառայության աշխատակիցների իրականացրած թիրախային գործողության ընթացքում նա փորձում էր խուսափել ձերբակալությունից։