Ադրբեջանը տեղեկացված է TRIPP-ի աշխատանքների ընթացքի մասին. Բայրամով

Ադրբեջանը տեղեկացված է TRIPP ճանապարհային և երկաթուղային նախագծի ընթացքի մասին. այս մասին հայտարարել է Ադրբեջանի արտաքին գործերի նախարար Ջեյհուն Բայրամովը։

«Այս նախագծին աջակցում է Միացյալ Նահանգները։ Միացյալ Նահանգների և Հայաստանի միջև բանակցություններ են ընթանում։ Սակայն TRIPP երթուղու մուտքի և ելքի կետերը գտնվում են Ադրբեջանի տարածքում, ուստի՝ մեր ամերիկացի գործընկերները մեզ տեղեկացված են պահում։ Մեզ տեղեկացրել են, որ գործընթացը շարունակվում է. այն ներկայումս գտնվում է փաստաթղթերի պատրաստման փուլում», – նշել է Բայրամովը։