Բուլղարիայի նախագահի աշխատակազմի շենքը տարհանվել է՝ ռումբի սպառնալիքի պատճառով

Բուլղարիայի մայրաքաղաք Սոֆիայում նախագահի աշխատակազմի շենքը տարհանվել է որպես կանխարգելիչ միջոց՝ ռումբի մասին հաղորդման պատճառով։

Տեղական լրատվամիջոցների հաղորդմամբ՝ առավոտյան ստացված ահազանգից հետո անվտանգության ուժերը սկսել են համապատասխան գործողությունները, և նախագահի աշխատակազմի շենքից մարդկանց տարհանել են։

Նախագահի աշխատակազմը հայտնել է, որ իրականացված ստուգումների արդյունքում որևէ վտանգավոր առարկա չի հայտնաբերվել, և հաստատությունը վերադարձել է բնականոն աշխատանքային ռեժիմի։