Մոտ մեկ ամիս փակ է լինելու Աբովյան-Արզնի-Նոր Գեղի ճանապարհի մի հատված

Հիմնանորոգման աշխատանքներով պայմանավորված՝ Աբովյան-Արզնի-Նոր Գեղի ավտոճանապարհի մի հատված՝ Աբովյան քաղաքից մինչև Արզնու տրանսպորտային հանգույց, այսօրվանից՝ հուլիսի 17-ից, մինչև օգոստոսի 10-ը՝ փակ կլինի երթևեկության համար․ հյատնում է Ճանապարհային դեպարտամենտը։

«Ճանապարհը փակ է լինելու առավոտյան 7.00-ից մինչև 20.00։ Գիշերային ժամերին ճանապարհը երթևեկելի է։
Վարորդները նշված հատվածը կարող են շրջանցել Արզնու տրանսպորտային հանգույց ճանապարհով»,- ասված է հաղորդագրությունում ։