Ֆրանսիան ուժեղացնում է Իսպանիայի հետ սահմանին վերահսկողությունը՝ Սեուտայում միգրացիոն ճգնաժամի ֆոնին

Ֆրանսիայի նախագահ Էմանուել Մակրոնը հայտարարել է, որ Սեուտայի միգրացիոն իրավիճակի պատճառով կապ է հաստատել Իսպանիայի վարչապետի հետ՝ աջակցություն հայտնելու և անհրաժեշտ օգնություն առաջարկելու նպատակով՝ այդ թվում՝ ԵՄ սահմանապահ Frontex գործակալության միջոցով։

Մակրոնի խոսքով՝ Ֆրանսիան ուժեղացրել է Իսպանիայի հետ սահմանային վերահսկողությունը․ այնտեղ տեղակայվել է ցամաքային ուժերի 4 ստորաբաժանում, նաև ինքնաթիռներ և դրոններ։

X սոցցանցում արված գրառման մեջ նա նշել է, որ Սեուտան չի մտնում Շենգենյան ազատ տեղաշարժի գոտու մեջ, սակայն Ֆրանսիան պատրաստ է վերահսկողության լրացուցիչ միջոցներ կիրառել՝ անօրինական միգրացիայի դեմ պայքարի շրջանակում։