Ինչո՞ւ է ՀՌՀ-ն տուգանել «Կենտրոն» ՀԸ-ին

ԲՀԿ կալանավորված առաջնորդ Գագիկ Ծառուկյանի գործը չափազանց մանրամասն լուսաբանման համար ՀՌՀ-ն (Հեռուստատեսության և ռադիոյի հանձնաժողով) «Կենտրոն» ՀԸ-ին տուգանել է։

Տուգանքի չափը 100 հազար դրամ է։

Ըստ հանձնաժողովի՝ ՀԸ-ի՝ հուլիսի 6-8-ի լրատվական ծրագրերի բովանդակության 70 տոկոսը վերաբերել է Ծառուկյանին։ Ըստ այդմ՝ հեռուստաընկերությունը, ենթադրաբար, խախտել է օրենքը, որը սահմանում է՝ մեկ թեմայի լուսաբանումը չպետք է գերազանցի տվյալ հաղորդման ընդհանուր եթերաժամանակի 25 %-ը։

«Կենտրոն» հեռուստաընկերության տնօրեն Բեթղեհեմ Արաբյանն առարկել է՝ նշելով, որ լրատվական թողարկումների ժամանակ լուսաբանել են նաև իրավապահ մարմինների, բիզնեսի ոլորտի աշխատակիցների և այլ ոլորտների առնչվող թեմաներ։

«Այս տրամաբանությամբ՝ առանձին նախարարությունների գործունեությունը լուսաբանելով՝ լուսաբանում ենք մեկ թեմա՝ կառավարություն կամ Նիկոլ Փաշինյան»,- նշել է Արաբյանը։